Ályktun frá stjórnarfundi Félagsráðgjafafélags Íslands, haldinn 1. Júní 2010, vegna fyrirhugaðrar sameiningar Lýðheilsustöðvar og Landlæknisembættisins.

Stjórnarfundur Félagsráðgjafafélags Íslands, haldinn 1. júní 2010 skorar á stjórnvöld að finna sameinaðri stofnun Lýðheilsustöðvar og Landlæknisembættis nafn sem lýsi hlutverki hennar og er hlutlaust gangvart starfsstéttunum þrjátíu og tveimur sem stofnunin sér um leyfisveitingar til og hefur eftirlit með. Þá telur stjórn FÍ mikilvægt að yfirmaður stofnunarinnar beri starfsheitið forstjóri eða forstöðumaður og hafi menntun á heilbrigðissviði.

Valgerður Halldórsdóttur framkvæmdastjóri s. 6929101

Kaupmáttarskerðing verði leiðrétt í kjarasamningum

Ályktun miðstjórnar BHM vegna kjarasamninga aðildarfélaga, samþykkt á miðstjórnarfundi 23. júní 2010

BHM er reiðubúið til samráðs og samvinnu um leiðir til að takast á við efnahagsvanda þjóðarinnar.

Bandalagið minnir á að laun flestra háskólamanna hafa verið fryst, ef ekki lækkuð, frá því um mitt ár 2008. 

Bandalagið mun því aðeins taka þátt í heildarsátt um kjaramál á íslenskum vinnumarkaði að kjarasamningar verði gerðir við aðildarfélög BHM og að í kjarasamningaviðræðum verði tekið tillit til eftirfarandi þátta:

• Leiðrétt verði kaupmáttarskerðing félagsmanna frá miðju ári 2008.

• Markvisst verði unnið að því að háskólamenntun sé metin til launa.

• Lokið verði við óuppfyllt ákvæði frá fyrri samningum, svo sem um nýtt fyrirkomulag sí- og endurmenntunar.

• Tekið verði tillit til námslána við umfjöllun um skuldabyrði heimilanna í landinu.

• Lög um réttindi og skyldur opinberra starfsmanna verði endurskoðuð. Almennt ákvæði um yfirvinnuskyldu verði fellt út og einnig verði ákvæði um skyldu til að hlíta breytingum á starfi fellt út eða því breytt þannig að ákvæðum ráðningarsamninga verði ekki breytt einhliða.

• Vinnulöggjöf verði breytt þannig að nýr kjarasamningur gildi frá þeim degi þegar sá sem fyrir er fellur úr gildi.

• Staðið verði við fyrirheit um starfsendurhæfingarsjóð.

• Uppsagnarfrestur starfsmanna 55 ára og eldri verði lengdur.

Nánari upplýsingar veitir:
Guðlaug Kristjánsdóttir, Formaður BHM
gudlaug@bhm.is
s. 899 2873

BHM mótmælir tillögum félags- og tryggingamálaráðherra um áframhaldandi frystingu launa háskólamenntaðra starfsmanna ríkisins. 
Kjarasamningar þessa hóps hafa verið lausir frá apríl 2009 og frá þeim tíma hafa átt sér stað beinar launaskerðingar háskólamenntaðra, auk þess sem ríkið hefur með markvissum hætti beint aukinni skattheimtu og tekjutengingum að félagsmönnum BHM.

Hafa verður í huga að frysting þessi kæmi í kjölfar almennra skerðinga á yfirvinnu, álagsgreiðslum, akstursgreiðslum, vinnutíma og öðrum ráðningartengdum kjörum og yrðu þær launalækkanir því festar í sessi í 5 ár samkvæmt tillögum ráðherra.
Slík viðvarandi launaskerðing er óviðunandi af hálfu BHM og getur ekki leitt til annars en atgervisflótta.

BHM leggst gegn allri frekari verðfellingu háskólamenntunar á vinnumarkaði, enda er hún bein ógnun við það uppbyggingarstarf sem nauðsynlegt er í landinu

Nánari upplýsingar veitir:
Guðlaug Kristjánsdóttir, Formaður BHM
gudlaug@bhm.is
s. 899 2873